Stuff - Il gelato che uccide
C'l artìcul chè 'l è scrit in
Miranduléś |
![]() | ||
Stuff - Il gelato che uccide | ||
![]() Garrett Morris 'l argta in na figùra dal film | ||
Quèl - Al ślâ ch'al cópa 1985 | ||
---|---|---|
Regìa: Larry Cohen | ||
Scritōr: Larry Cohen | ||
Atōr: Michael Moriarty • Scott Bloom • Danny Aiello Andrea Marcovicci • Paul Sorvino • Patrick O'Neal Garrett Morris • Alexander Scourby • Russell Nype | ||
Müsica: Anthony Guefen • Richard Seaman | ||
Léngua: Ingléś | ||
Dürä dal film: 93 minüt | ||
Nasiōṅ: Stat Unî |
Stuff - Il gelato che uccide (Quèl - Al ślâ ch'al cópa) 'l è 'n film ad scarésa americàṅ dal 1985 ad Larry Cohen.
Sunt
A Midland, in Geòrgia, dū minadōr i càtan sót-tèra na strâna paparùcia biànca e cremóśa ch'la pâr un yogurt. I la tàstan e i decìdan a mét'r-la in sal marcâ: cal dōls chè al vèṅ ciamâ "Stuff" e al mùcia subìt dimóndi sucès in tut al paéś anc parchè 'l è bòṅ e al n gh'à briśa dal calurìi. Ma a n è minga lis cum al pâr, difàti, na vòlta magnâ, al tōś pusès di sarvèi dal parsòni ch'i dvènt'n acsè di śómbi, prima ad finìr frust e di gus vōd.
I s faṅ càrag ad farmàr-al 'l ex agìnt d'l FBI David "Mo" Rutherford (Michael Moriarty), ch'al ciàpa di bèsi da la rivìsta "Amalgamate Dairies" par capìr-ag quèl, la sò muróśa Nicole Kendal (Andrea Marcovicci), ch'a 'l inìsi la fava la reclàm a 'l prudót, e Jason (Scott Bloom), un baghét 'd òt an ch'l iva vdû la sò famìja ardùta a śómbi par cólpa dal "Stuff". A s śònta pò anc un vèć culunèl ad dèstra, Malcolm Grommett Spears (Paul Sorvino), ch'al taca a cumbàtar i magnadōr ad "Stuff".
In cal méntar al śgnōr Vickers (Danny Aiello) al s inśégna par far un misćiùs ad ślâ (88%) e "Stuff" (12%), ciamànd al prudót "Taste". Chi lò al vrév vénd'r-al in di supermarcâ a al và a śibìr-al a 'l padròṅ dna fàbrica 'd ślâ misa in śnòć da 'l vénditi dal "Stuff", al sgnór Evans (Alexander Scourby).